2022-ci ildə əməkhaqqından hansı tutulmalar olacaq

2021-ci ildən bütün ölkə ərazisində tətbiq edilən icbari tibbi sığorta ilə əlaqədar qeyri-neft və qeyri-dövlət sahələrindəki 8 min manatadək əmək haqqı olanlar üzrə 50 faizlik güzəşt ləğv ediləcək.

Beləliklə, 2022-ci ildən əməkhaqqından tutulmaların aşağıdakı kimi olacağı gözlənilir:

• Gəlir vergisi
• İcbari tibbi sığorta haqqı
• İşsizlikdən sığorta haqqı
• Məcburi dövlət sosial sığorta haqqı

İcbari tibbi sığorta üzrə sığorta haqqı məbləğləri aşağıdakı kimi hesablanacaq:

• Dövlət sektoru və neft-qaz sahəsində əmək müqaviləsi əsasında çalışan şəxslərin əməkhaqqının 8.000 manatdan yuxarı hissənin 0,5 faizi, 8.000 manatadək isə 2 faizi məbləğində;
• Özəl sektorda çalışanlar, mülki-hüquqi müqavilə əsasında çalışanların əməkhaqqından 8.000 manatadək hissənin 2 faizi, (2021-ci ildə 1% idi), 8.000 manatdan yuxarı hissənin 0,5 faizi məbləğində;