Ən yüksək inflyasiya səviyyəsi olan Top 10 ölkə və inflyasiyanın səbəbləri

Ən yüksək inflyasiya səviyyəsi olan Top 10 ölkə

Venesuela – 1198,0%

Sudan – 340,0%

Livan – 201,0%

Suriya – 139,0%

Surinam – 63,3%

Zimbabve – 60,7%

Argentina- 51,2%

Türkiyə – 36,1%

İran – 35,2%

Efiopiya – 33,0%

İnflyasiyanın səbəbləri

İnflyasiyanın səbəbləri çox mərhələlidir. İnflyasiyanın əmələ gəlmə səbəbləri həm daxili, həm də xarici ola bilər. Xarici səbəblərə əsasən xarici ticarətdən mədaxilin azalması, xarici ticarət və ödəniş balansının mənfi saldosu aid edilir. Daxili səbəblərə ölkə, hökumət daxilində inflyasiyaya səbəb olan prosesləri aid etmək olar.

Doğrudan da inflyasiyanı yaradan səbəblərini müəyyən etmək ən vacib məsələdir. İnflyasiyanı yaradan səbəblər aşağıdakılardır:

• İqtisadiyyatın hərbiləşdirilməsi;
• Azad rəqabətin inhisarla əvəz olunması;
• Gəlirlərin yenidən bölgüsü;
• Pul krediti və vergi sahəsində düzgün olmayan siyasətin aparılması;
• Büdcə kəsrinin mövcudluğu;
• Pul tədavülü qanununa əməl olunmaması;
• Sərmayə qoyuluşunun həcmi;
• Əmək haqqının əmək məhsuldarlığına nisbətən üstün artması.